A COVA CELTICA

SEMTIMENTALISMO

2011-12-04T21:35:00.003+01:00

dedicatoria

A escritora Olga Patiño fíxonos un agasallo moi especial. Tràtase dun exemplar do primeiro libro da vangarda artística galega recentemente fundada e que os propios fundadores, entre os que se atopa a autora, denominan "Sentimentalismo". Este libro ten para a nosa biblioteca un significado moi especial, xa que contén unha fermosa dedicatoria dirixida ao noso alumnado.

CLUB DE LECTURA VALADOS

2011-11-30T20:53:00.001+01:00

O próximo xoves 1 de decembro ás 16.30, nova sesión de club de lectura, esta vez para 2º de ESO. Valados é o conto escollido, escrito por Agustín Fernández Paz e ilustrado por Xan Domínguez. Contaremos tamén coa participación de Alfonso Diz Sixto, profesor de ensino secundario.

Agustín Fernández Paz

"Helena e Xoel son amigos inseparables, non hai horas que lles cheguen para estaren xuntos. Na súa vila comezan a suceder feitos que os desacougan; semella que un vento estraño varreu a alegría das rúas e deixou no seu lugar odio, xenreira e medo. Axiña se erguen altos valados para separar e illar unhas persoas doutras. Valados visibles, e tamén invisibles, que afastan a Xoel e a Helena. Os dous terán que idear mil e unha artimañas para manter viva a intensa amizade que os une.

Valados é un libro sobre a amizade por riba de todas fronteiras e de todos os valados. Un libro sobre a fraternidade,sobre a igualdade e liberdade a que todos os seres humanos sen distinción de ningún tipo temos dereito.

Pere Tobaruela no Wirtz

2011-05-29T20:09:00.001+02:00

O pasado mércores o escritor Pere Tobaruela estivo no noso faladoiro para comentar co alumnado de 3º de ESO a súa novela Na cerna da selva.

Dedicatoria que Pere escribiu no libro das visitas.
Cris Asensio

Cándido Pazó no Wirtz

2011-05-13T19:28:00.003+02:00

Esta semana o actor e director teatral Cándido Pazó estivo con nós para ofrecernos un dos seus divertidos monólogos. Os espectadores, de primeiro ciclo da ESO, pasárono en grande. Desde aquí os nosos parabéns.

Club de lectura con Marica Campo

2011-05-06T19:37:00.001+02:00

Marica Campo participando no noso club de lectura. Falounos do seu libro de relatos Confusión e morte de María Balteira e da importancia de ler afirmando que a lectura fainos libres. Velaquí a fermosa dedicatoria que nos deixou.

Alumnas e alumnos de 1º de bacharelato

Rubén Ruibal no Fernando Wirtz

2011-04-11T20:38:00.002+02:00

Por Cris Asensio

O autor de Limpeza de sangue participou no noso club de lectura para conversar con nós sobre a súa obra. Durante a hora e media que durou a tertulia non só conversamos sobre a súa peza teatral. Alí falouse tamén de teatro, de actores, da súa faceta como director teatral... Rubén foi respondendo ás cuestión que lle plantexaron os alumnos e desvelando as claves da peza teatral, dos personaxes, das influencias que recibiu, falounos de Roberto Vidal Bolaño e do xénero literario "desgracia" inventado por Bolaño e ao que di pertence Limpeza de sangue. Falounos tamén das pegadas de obras literarias que atopamos na peza como Príncipe e mendigo de Mark Twain, Alicia a través do espello de Carrol, ou do teatro de Shakespeare.

Ruibal definiuse ante todo como narrador, desde ben pequeno xa escribía contos:

"Eu escribo como terapia, como desafogo, senon non sei o que faría por aí"

Cando lle preguntamos polos seus escritores favoritos cita a Cortazar, a Borges, a Cunqueiro, a Valle e en relación coa literatura galega e as súas lecturas de xuventude, non dubida en recomendar a Agustín Fernández Paz e a novela Aire negro.

Faladoiro

2011-03-22T10:40:00.000+01:00

Chegamos ao espectáculo.
Baixo o título de Teatro e empatía, falaremos hoxe con Xosé Manuel Cundins. O fio condutor será a obra de Ruben Ruibal Limpeza de sangue, e, entre outros, tentaremos reflexionar sobre os valores educativos do teatro.

En torno a Alicia

2011-03-16T09:25:00.000+01:00

Onte tivemos no faladoiro a Mercedes Ousitde que compartiu connosco aspectos, anécdotas e reflexións sobre a súa vida persoal. A charla derivou cara á incidencia do consumo de marihuana na saúde . Mercedes desde a súa experiencia no Chuvi axúdonos a reflexionar sobre as consecuencias do consumo de sustancias tóxicas que , nunca, son inocentes.

Faladoiro. Martes 15 as oito na biblioteca.

2011-03-13T21:24:00.000+01:00

Mercedes Ousinde é Diplomada en Enfermaría desde o ano 88. Traballou nas unidades hospitalaria do Chuac e do Hospital Modelo. Dende fai dez anos ,desempeña a súa función na unidade de Urxencias do Chuac.

Na súa amplísima formación especifíca atopamos ; cursos técnicos como formación en Electrocardiografía ; cursos xurídicos como estudos de protección xurídica e Responsabilidade profesional; formación psicolóxica como cursos de xestión das emocions,Un exemplo ; emocions e saude.

Teríamos que engadir formación en nutrición, en atención posoperatoria, tratamento de politraumatismos en pediatría, tratamento da dor aguda e outros tantos.

Vai falar con nos sobre o persoaxe de Alicia e, a partir da sua expericia profesional, da implicación que se produce entre os sanitarios e os enfermos crónicos.
Estades invitados.

Ollos de auga de Domingo Villar

2011-03-13T20:38:00.001+01:00

O pasado mes organizamos un club de lectura con alumnos e alumnas de 1º de bacharelato de diferentes cursos, letras e ciencias. Previamente tiñan que apuntarse nunha lista e como se anotaron bastantes, decidimos repartilos en dous grupos; un deles acudiu un xoves pola tarde e outro no seguinte. Contamos ademais coa presenza do director do instituto. As dúas sesións foron moi intensas. Alí escoitamos opinións, dúbidas e ata propostas para introducir cambios na novela. No caderno do club de lectura recollemos as distintas opinións de cada un dos presentes. Algúns defendían a idea de que o personaxe de "Alba", a muller de Leo Caldas, non tiña case entidade e gustaríalles saber algo máis sobre ela, outros quedaron moi sorprendidos pola maneira en que asasinaron a Lois Reigosa ou polo desenlace inesperado. Tamén destacaron da lectura a ambientación, os aspectos cómicos a descrición dos lugares de Vigo que despertou a curiosidade de algúns ata o punto de que propuxeron achegarse alí. Outro aspecto que chamou especialmente a atención son as referencias musicais de jazz, de blues... e xa para rematar ,que esta novela é unha obra que fala de outros autores de libros de xénero policíaco, é dicir "un libro que fala de libros" e isto interesoulles moito.

Faladoiro ; As personaxes de Limpeza de sangue. O visitador

2011-02-23T09:35:00.001+01:00

Seguimos ca nosa letura de Limpeza de sangue. Este martes axudounos a reflexionar sobre o espacio e as personaxes (Don Luís e O visitador) Mario Veloso, quen desde a súa perspectiva profesional achegounos outras visións complementarias ás que nos ofrece o autor na obra.

Charla-Coloquio

2011-02-22T11:43:00.001+01:00

Hoxe, na biblioteca Mario Veloso Rios ( Informador técnico sanitario da empresa farmaceútica Pfizer )falara con nós sobre un dos personaxes de Limpeza de sangue, o visitador médico.Aunando a súa experiencia profesional ca visión que nos dá Rubén Ruibal.

A LINGUA DAS BOLBORETAS

2011-02-10T18:38:00.001+01:00

Por Beatriz Diéguez Fernández

"Pardal é un rapaz que vive no ano 1936 nos tempos da II República. O seu mestre, Don Gregorio, era republicano e ateo, e lévarono os franquistas cando a sublevación do 36, como a moitos máis. Pardal mentres levaban ao mestre no camión tiroulle pedras e berroulle todas as palabras que el lle aprendera na clase e nas excursións que facían. O seu pai tamén era ateo, pero desfixose de todo o que o comprometía porque tiña medo de que tamén o levaran a el."

Micaela Coronel Areas:

"O que me chamou atención do relato foi que o profesor, Don Gregorio, cando dous rapaces se enfadaban, xuntábaos na clase para que se fixeran amigos."

2011-01-19T21:18:00.001+01:00

O xoves, 2 de decembro pola tarde, tivemos un club de lectura na biblioteca do noso instituto, con alumnas e alumnos de 1º de bacharelato. Pasamos un rato moi entretido comentando diferentes aspectos da novela de Darío Xohán Cabana. O que máis nos sorprendeu a todos foron as viaxes através do tempo do protagonista Galván, desde o presente até a idade media. Velaquí algúns dos comentarios dos lectores que participaron no clube

"Gustoume a despedida de Galván de Masito e Inés, coa carta e os agasallos que lles deixou; unha luva de coiro, unhas moedas dentro dun pano bordado con fíos de ouro que formaba por un lado a figura dun falcón e por outro a figura do rei Artur" Adriana Jiménez Ferrío (1BC-2)

"Foi emocionante cando Galván gañou as batallas aos cabaleiros de cores coa forza do sol" Ana Domínguez Viejo ( 1BC-1)

"A min gustoume moito a escena na montaña do Santo Grial porque era un lugar máxico pero o que se vivía Galván nese momento era real. A min esa escena fascinoume" Paula Manteiga (1BH-2)

"Gustoume moito pola maxia de pasar dunha época a outra" Alexandra Parceiro Lence (1BH-2 )

"Gustoume o libro polo ambiente relacionado coa maxia e tamén porque apareza un castelo e unha fermosa dama e que xorda o amor co cabaleiro" Mª Soledad Muíño Lema (1BC-2)

REPASAMOS AS NOSAS LECTURAS

2010-06-17T13:36:00.000+02:00

Como neste curso tivemos un pouco abandonado o blogue, deixamos a modo de recordatoria algunha das nosas lecturas neste ano 2009/10

MARCAPÁXINAS

2010-04-21T12:58:00.000+02:00

Ola!! Para facer a sesión de marcapáxinas do martes, teño fotos de todos os libros deste ano, e case todas do ano pasado, así que facede comentarios dos que queirades.
VÉMONOS O MARTES!!

O SEÑOR IBRAHIM E AS FLORES DO CORÁN

2010-04-07T12:52:00.000+02:00

Ola de novo!!
Sinto tervos un pouco abandonados, pero volvo de novo con máis ganas que nunca!

Neste mes estamos lendo O SEÑOR IBRAHIM E AS FLORES DO CORÁN, de Eric- Emmanuel SCHMITT.

Momo é un adolescente xudeu, desorientado e orfo de agarimo. Ibrahim é un tendeiro musulmán, de carácter reflexivo e pausado, cunha visión da vida marcada pala perspectiva e a experiencia dos anos. Dous habitantes solitarios da rúa Azul, no París dos anos 60, que traban unha entrañable amizade que trascende as súas respectivas crenzas. Un aporta vitalidade, o outro sabedoría...

QUEDAMOS O MARTES DÍA 13 DA ABRIL AS 11:00 NA BIBLIOTECA!!!

Un video a proposito do libro

2010-02-10T12:33:00.002+01:00

COMEZAMOS NOVA LECTURA

2010-02-10T12:15:00.001+01:00

Nesta ocasión e seguindo a nosa SINGRADURA, atopámonos no N de novela negra e escollemos como lectura "A PRAIA DOS AFOGADOS" de Domingo Villar.

Deixovos unha sinopse:

Despois do éxito de Ollos de auga, con máis de 10.000 exemplares vendidos, Domingo Villar preséntanos A praia dos afogados, unha apaixonante novela de intriga que mergulla o lector no mundo da Galicia mariñeira, desde os areais das Rías Baixas á paisaxe urbana e as tabernas da cidade de Vigo. A novela parte dun descubrimento estarrecedor. Unha mañá, o cadáver dun mariñeiro é arrastrado pola marea ata unha praia da vila de Panxón, na ría de Vigo. Se non fose porque ten as mans atadas cunha brida de plástico, Xusto Castelo había ser outro mariñeiro que encontrou a súa tumba entre as ondas mentres pescaba. Sen testemuñas nin rastro da embarcación do finado, o lacónico inspector Leo Caldas mergúllase no ambiente mariñeiro para tratar de clarexar o crime entre homes e mulleres que recean de desvelar as súas sospeitas e que, cando deciden falar, apuntan nunha dirección insólita de máis. Un caso difícil para Caldas, que pasa malos momentos: o único irmán do seu pai está enfermo de gravidade e a súa colaboración no programa radiofónico de Onda Vigo estase volvendo cada vez máis inaturable. Tampouco non facilita as cousas o carácter arroutado de Rafael Estévez, o seu axudante aragonés, que non se dá adaptado á retranca e os sobreentendidos dos galegos. Domingo Villar volve introducir o lector nunha intriga sen acougo. Unha pescuda policial que, nesta segunda novela protagonizada polo inspector Leo Caldas, tamén é unha esculca na memoria e nas ilusións fanadas.

XUNTÁMONOS O MÉRCORES 10 DE FEBREIRO

2010-02-08T12:00:00.000+01:00

Nas portas do entroido, temos unha nova xuntanza para falar do noso libro do mes "O curioso incidente do can á media noite". Sei que algún de vos xa o rematastes e outros andades niso... En calquera caso espero que está vez fora unha boa elección.

A propósito do libro, un dos enigmas máis sorprendentes para min foi o de "As tres portas de Monty Hall".
Deixovos un enlace no que o explica cun simulador de xogo e un video coa explicación gráfica

http://javimoya.com/blog/2006/01/14/el-problema-de-monty-hall/

VÉMONOS O MÉRCORES NO RECREO!!

QUEDAMOS O LUNS!!

2010-01-23T18:28:00.004+01:00

Ola a todos os membros do club!!!
Vémonos o próximo luns día 25 de xaneiro, no recreo na Biblioteca para presentar o novo libro deste mes:

O CURIOSO INCIDENTE DO CAN Á MEDIA NOITE

Christopher Boone ten quince anos, é un experto en ciencias e matemáticas, sabe as capitais de todos os países do mundo e os número primos ata 7.507, pero ten dificultades para relacionarse con outras persoas. Unha noite atopa a Wellington, o can da veciña, atravesado por unha forca de xardín, e decide comezar unha investigación para descubrir o asasino. Mentres leva a cabo as súas pescudas, que converte nunha novela policial, cuestionará a lóxica do mundo que o rodea e desvelará certos misterios que van alterar a súa vida metódica e ordenada.

XUNTANZA

2009-12-14T11:55:00.001+01:00

Ola a todos os lectores de Resistencia!
Maña no recreo quedamos as 11:00 para o intercambio de impresións.
Non faltedes esperámosvos!

ATA MAÑÁ

Deixovos unha ficha da autora
http://www.xerais.es/cgigeneral/ficha_autor.pl?id_autor=100005062&id_sello_editorial_web=13

e un caderno de críticas
http://www.xerais.es/catalogos/cuadernos_criticas/XG00056801_1.pdf

XUNTANZA dos "da RESISTENCIA"

2009-12-09T09:42:00.001+01:00

Ola a todos. Esta entrada é para recordavos aos membros do club que estades a ler Resistencia, que temos unha xuntanza este xoves as 11:00 no recreo.

Para os lectores de Palabras de Caramelo, quedamos o vindeiro luns día 14 a mesma hora na Biblio!
Un saúdo

E MÁIS COUSIÑAS PARA OS LECTORES DE RESISTENCIA

2009-12-02T12:41:00.005+01:00

Hoxe estou pola labor, así que para coñecer un pouquiño máis do contexto da novela, deíxovos uns carteis moi chulos da revolución dos cravos e un enlace por se queredes coñecer un pouquiño máis

http://vello.vieiros.com/vieirosdaescola/index_2.html

E a canción de Zeca Afonso que iniciou a Revolución

SITUAMOS AS NOSAS LECTURAS

2009-12-02T12:13:00.003+01:00

Estamos a ler dous libros ben interesantes, onde a localización da historia é un factor moi importante.

En Palabras de Caramelo, a acción desenvolvese no Arxel, nun campamento de refuxiados saharahuis. O Sahara Occidental foi ocupado por Marrocos e moitos dos seus habitantes viven exiliados no país veciño

Na novela de Rosa Aneiros RESISTENCIA, a acción trascorre no Portugal da ditadura. Os lugares máis presentes na novela son: San Pedro de Moel, A Marinha Grande, o penal militar de Peniche, O Pinhal do Rei (oude Leiría)...

Deixovos uns mapiñas para que vos situedes no noso país veciño

2009-12-02T09:35:00.001+01:00

RESISTENCIA de Rosa Aneiros

É unha novela apaixoante, escrita co ímpeto da vida, difícil de esquecer, fermosa e memorable; toda unha singradura a través da historia portuguesa da man de dúas familias maldecidas pola escravitude do amor, a morte e o silencio. Denís, un obreiro, e Filipa, filla dun rico comerciante, namoraron perdidamente sen calibrar as consecuencias.

Déixovos tamén unha entrevista que lle fixeron á autora

http://www.caixagalicia.es/Nuevo_netclub/wvio004c_entrevista57.html

2009-12-02T09:31:00.001+01:00

PALABRAS DE CARAMELO. Gonzalo Moure. Ilustrado por Fernando Martín Godoy

Kori é un neno de oito anos que só recoñece as palabras nos movementos da boca. Por iso é capaz de saber o que lle di o seu mellor amigo, un pequeno camelo ao que trata de salvar camiño dese deserto co que sempre soñou.

Quizais a súa aventura nunca remate, sobre todo pola mensaxe tan especial de Caramelo

Deixovos o enlace ás páxinas dos autores por se queredes curiosear e coñecelos un pouco mellor
http://www.gonzalomouretrenor.es/
http://www.arteven.org/profile/FernandoMartinGodoy

XUNTÁMONOS!!

2009-11-30T12:04:00.001+01:00

Este martes (día 1de decembro) vémonos todos os membros do clube as 11:00 na Biblioteca.
NON FALTADES!!

CLUB DE LECTURA "DE CATRO A CATRO"

2009-11-23T12:26:00.003+01:00

Benvidos a todos!!

Inaguramos este novo blogue para iniciar a nosa andadura neste 2ª ano do Club de Lectura

O primeiro que temos que apuntar é o porque do noso nome

"DE CATRO A CATRO"

Escollimos o título do libro do noso poeta vangardista, Manuel Antonio, pois como nel iniciamos unha nova singradura polo mar, polo mar da literatura para a través dela viaxar a diferentes espazos e coñecer novas personaxes.

A viaxe prolongarase de 4 de novembro a 4 de xuño, momento no que chegaremos a porto despois de percorrer outros portos nos que iremos recalando e pondo en común todo o que a literatura nos reporta

AVANTE !!!